МОЛИТВА О ПОБЕДЕ ПРАВОСЛАВНОГО ВОИНСТВА СЕРБСКОГО

МОЛИТВА О ПОБЕДЕ ПРАВОСЛАВНОГО ВОИНСТВА СЕРБСКОГО
18(283)
Date: 4-05-99

Господи Боже сил, Боже спасения нашего, Боже творяй чудеса Един, призри в милости и щедротах на смиренныя рабы Твоя и человеколюбно услыши и помилуй нас: се бо врази наши собрашася на ны, воеже погубити нас и разорити святыни наша. Ты же, вся ведый, веси яко неправедно воссташа на ны. Темже грешнии и недостойнии в покаянии со слезами молим Ти: помози нам, Боже, Спасителю наш, и избави нас славы ради имене Твоего, да не когда рекут врази наши: Бог оставил еси их, и несть избавляй и спасаяй их.
Ей, Господи Боже, Спасителю наш, крепосте, и упование, и заступление наше, не помяни беззаконий и неправд людей Твоих и не отвратися от нас гневом Своим, но в милости и щедротах Твоих посети смиреныя рабы Твоя, ко Твоему благоутробию припадающия: востани в помощь нашу и подаждь воинству сербскому о имене Твоем победити; а имже судил еси положити на брани души своя, тем прости согрешения их, и в день праведнаго воздаяния Твоего воздай венцы нетления. Ты бо еси заступление, и победа, и спасение уповающим на Тя и Тебе славу возсылаем Отцу и Сыну и Святому Духу, ныне и присно и во веки веков. Аминь.